J’va vous raconter l’histoire

Ed min camarate Flipo

Eune fo qui éto in guinsse

Et qui crio tout haut

Et qui d’vo printe ech train

Pour aller à Tourcoing

Pour aller à Tourcoing

Pour aller à Tourcoing

Arrivé à la gare, Flipo

Fut étonné d’vir

Sin tchien caniche

Qui l’avot tout suivi

V’la l’employé qui passe et y dit

Fo païer pour tin tchien

Nan qui répond Flipo

Mi j’païe pas pour min tchien

Nan qui répond Flipo

Mi j’païe pas pour min tchien

Car mi j’sais bien qu’à pied

I féra tout ch’quémin

J’connos trop bien m’n’affaire

A l’voiture é derrière

Avec mes deux gartiers

E j’min va l’aller loïer

Pindant tout qu’fut ch’trajet

Flipo n’fait qu’s’artouner

Pour vir sin tchien caniche

Si i s’savo bin trotter

Ch’étot peine inutile

E l’pauff’ tète ed sot

Pour épargner ses pattes

I courot d’su sin dos

I courot d’su sin dos

I courot d’su sin dos

Arrivé à Tourcoing

Flipo fut étonné

E d’vir sin tchien caniche

Qui étot tout démerlé

I avot perdu ses pattes

E pi l’ mi-temps d’sin dos

I n’resto pu que s’tiète

Qu’al pindo à ch’cordiau

I n’resto pu que s’tiète

Qu’al pindo à ch’cordiau

Qu’al pindo à ch’cordiau

Jules Watteeuw, dit  "ch'brouteu"

[Version Paulette]

Ah ben nin nin pour min quien je ne paie nin

Et d'ichi jusqu'à Lille, à pattes il ira bien

J'ai calculé m'n'affaire

Pour mi d'aller l'loyer

A ch'wagon d'par derrière 

Avec mes deux gartiers (bis)

Et v'là que ch'train y c'minche à faire

Tchut chut tralala

Et j'ravise à l'ferniette

Et j'dis v'là qu'y s'in va

Tout au long de ch'voyage

Cha d'allot ménagemins

Y faigeot des culbutes 

Ch'est qu'y courrot grandmin (bis

In arrivant à Lille 

Tchut chut Thut chut

Tchut chut tralala

Eu d'vire min tiot caniche

Comme y étot arringé

Y avot perdu ches pattes

Et le demitant d'sin dos

Y avot pus fo que ch'tête 

Qu'alle pindot à ch'cordiau [bis]